Introdukto

En la rubriko "Euyasik" l´administranto deziras kolektar kontributuri a la temi "komunikado" e "linguo". La baricentro dil afero esez ye to la promoco di projetlingui (Esp.)/(Engl.), qui future povus servar kom linguo di komunikado (Esp.)/(Engl.)

Kom linguo di komunikado ni komprenas linguo, qua, simile kam prezente l´Angla, parolesas da multa homi kom duesma linguo e per to posibligas vasta internaciona interkompreno.

Projet-linguo esas linguo projetita da homi, ofte anke nomiziaa linguo universala, helplinguo mondala, artificala linguo, linguo konstruktita, e devas komprenesar kompare a la lingui nacionala e regionala dialekti, qui developabis nature dum longa periodi.

Segun la diversa landi on anke nomizas la projetita lingui constructed languages/ lingua franca, Plansprache/ Welthilfssprache, Lingua artificiale/ Lingua ausiliaria, Kunsttaal/ Internationale Hulptaal, Lengua construida/ Lengua auxiliar, Langue construite/ Langue auxiliaire, Limbă artificială/ Limbă internaţională, Języki sztuczne/ Język pomocniczy, Искусственный язык/ Международные вспомогательные языки, Mesterséges nyelv, Nemzetközi segédnyelv Umělý jazyk/ Mezinárodní pomocný jazyk Planlingvo/ Internacia planlingvo, . . .  . . .  .

La senco di projetita linguo esas generale olia extreme simpla e tote reguloza gramatiko ed anke en olia facile komprenebla vortaro. To posibligas, ke projetita linguo esas plu facile ed ultre to plu rapide e perfekte lernebla kam l´Angla.

L´unika desavantajo di la projetita lingui esas prezente, ke oli ne ja esas suficante difuzata, quo til nun ne admisas aplikar oli grandskale kom linguo di la komunikado.

La skopo di la rubriko "Euyasik" esas, promocar la koncio pri linguo e pri komunikado ed atencigar pri l´avantajo di projetita lingui. - Ne intencata esas, ke la qualesi di diferanta projetlingui komparesas o ke la projetlingui en ica forumo reciproke konkurencas.