Das ist die Antwort auf Beitrag 8294977

Das Schweizerdeutsch-Forum

FR EN DE SC IT

12.09.2005

Hier mal in Luzerner Dialekt:

De Countdown lauft und bald heissts Abschied näh.

Ech (und ech be kei Rakete ;-) ha am 26.09.

min letschte Tag als Praktikantin.

Nochhär werd ech euri neui Cheffin zäme met minere Partnerin Danielle.

Glaubid ehr ned?

Jedefalls betrifft mis Aliege i dem Mail ’s Abschiedsapéro.

Tritratrallalla, noch langem Hin und Här stoht jetz de 23.09.

Und detdra esch leider nüd z’rüttle.

*Ech ducke mich vor de Schläg us de Spöufraktion*.

Abgseh devo, dass ech a dem Tag D-Schecht ha (Hallo, wer tuuscht met mer?

Velecht d Frau Behrendsen?

Öbrigens, Sabine, besch du met de Schnaps-Familie verwandt, wo so heisst ;-)?), fendet das chline Fäscht i de TXTeria statt.

De bös Wind ond de unschön Räge uf em Dach mache nur mini eh ned vorhandni Frisur kaputt.

Es muess niemer öpis mitnäh, usser notürlech gueti Luune und e chli Zyt.

Es ged öpis (gnueg) z Fuettere und z Trinke hoffi au (Lukas mach ’s Muul wieder zue ;-).

Holed euchi Agänd före, nähmid eine vo de ewig-schmierende Steft i d Finger und trägid i: 23.09.

so ab äh… Norbert!!!

Wenn jetz scho weder?

Äh...

mmhh… ah, ech be jo denn eh bald Cheffin, also säge mer so ab 17:00.

Ech wörd mi freue veli vo euch z’gseh.

Wer ned cha, wott oder darf cho, söll sech doch no schnöu i de Redaktion be mer verabschiede.

De Arbeitsplan stimmt vo minere Siite sowiit no.

Jetz ändlech ’s Ändi.

Ech be kei Meischterin vo de churze Sätz.

Euchi Alexandra

ich

➤

Tausend Dank gilt dir!!!