Isl

73 hvalir løgdu beinini í Leynum

fríggjadagur, 06.

Skriva Út Send tíðindagrein

Grindin, sum doyði í Leynum fyrrapartin í gjár, var 73 hval og 504 skinn.

Hon varð býtt í bátspartar og drápspartar.

73 hvalir løgdu beinini í Leynum

Hvalirnar vórðu sleipaðir til Kvívíkar, har sum grindin varð skorin upp.

Eftir nøkur vána grindaár hevur hetta summarið hilnast væl.

Í tveir mánaðir eru sjey grindir deyðar, tilsamans 747 hval.

Grindir eru deyðar heima á Sandi, í Húsavík, Vestmanna, Havn, Klaksvík og Leynum.

193 hval í Húsavík

fríggjadagur, 09.

Skriva Út Send tíðindagrein

Tilsamans 193 hval hava lagt beinini í Húsavík síðan í gjárkvøldið.

Talan er um eina grind, sum strandfaraskipið Teistin fann útfyri Hælinum í Hesti um 5-tíðina seinnapartin í gjár.

193 hval í Húsavík

Veðrið var ringt og tað gekst illa at fáa rakstur á grindina.

Men um 10-tíðina í gjárkvøldið eydnaðist tað at halda grindini til á Húsavík.

169 hval løgdu beinini í gjárkvøldið.

Men harumframt vóru einir 30-40 hval, sum ikki gjørdu landgongd og sum sluppu.

Veðrið var sjaskut, og tá ein bátur holvdist, gjørdi sýslumaðurin av at steðga drápinum.

Í morgun fóru teir so eftir hvalunum, sum sluppu í gjárkvøldið, og um 10-11 tíðina gjørdu 24 hval landgongd.

Grindin í gjárkvøldið verður býtt í drápspartar og heimapartar.

Men grindin, sum legði beinini í morgun, verður bara býtt millum teir 100 grindamenninar, sum vóru við í drápinum.

kær kveðja