Schwäbisch Übersetzungsforum

Derf i au mitmacha?

I ben glernte Schwäbin, abr wohn nemme dort

Des isch do scheißegal!

oimol schwob, immer schwob!

Des kosch net verleigna, nia, des hert mr immer raus.

Wo hots di denn no verschlaga?

Weit weg????

Liabs Griaßle Tami

Do hosch recht!

Au wenn i moin, i schwätz aschdreins Hochdeitsch, heert mrs trotzdem raus.

I wohn an dr türkischa Ägäis.

Na den, willkommä im klub ;-)

obwohl, ...do isch ja no oiner vom Meer ;-)

....NEID!

wie isch´n s´wetter?

Scho lang dort?

am beschde wird sei, mir kommet alle zu dir zum proba!

neidisch´s grüßle

Wer isch noo vom Meer?

's Weddr isch super, dr Garda kennt amol a bissle Räga braucha, aber do sen d' Ausssichta schlecht die näggschde baar Monat.

I muaß halt äwwl giaßa, do goht an Haufa Zeid druff.

I bi no vom Meer ;-)

Vom Schwäbische Meer oder halt

au Bodeesee gnannd

Leider isch aber d'Schofskälte.

Beim heilige Wendelin isch des jetzt kald.

Grüssle an die glorreichen Schwobe, pardon

Kalt???

Mir lauft d' Briah nonter.

Koi Wonder bei ieber 30 Grad

irgendwia gohts hier schleppend....wo isch etzat dr ofang blieba?

do meldet sich au koiner mehr????

Swetter isch etzt au bei os schee, soll no schener werda.

Am schwäbische meer hem´r ja au so a mildes klima no dazua.

hier auf dr oschtalb isch scho manchmol oin kittel kälter.

So lahmarschig send doch d'Schwoba sonschd ned.

Send ihr eigfrora oder weggschmolza?

Bei mir hots 34 Grad em Dauerschadda, 's Wasser isch abgschdelld (wia jeden Dag bis obends), ond beim Nochber isch dr Bronna ausdrocknet.

Wie soll i jetzd mein Garda giaßa?

OHA :) Etz war i nur 2 Woche em Urlaub un scho gehts hier rund :D:D:D:D:D

Wo warsch denn em Urlaub?

In d Türkei war i :D

Aber war ganz schee warm do..

han denkt wenn i hoim komm ischs wieder besser

aber do hats ja jetzt a 30 °C...

Wo en dr Türkei warsch denn, an dr Riviera?

Bei mir an dr Ägäis ischs jetzt no hoißer, 39 Grad ond an hoißer Wend wia aus dr Hell.

Drzuano isch bei mir äwwl 's Wasser abgschdelld, langsam kriag i d' Krias.

noi noi

i war in Canakkale un in Diyarbakir

in C.kale wars ja no ognehm vom wetter her weil do en wind goht aber in d.bakir ischs oglablich..

40 °C

i wär fascht eigange..

I wohn en Özdere, des isch ogfähr 30km von Efes weg.

Ond du?

des isch bei Izmir in d Näh oda?

I wohn in d Näh von Stuagart, ufm Land.

Würd aber liaber in doiner Geged wohne..

Genau, ogfähr 50km vom Fluhafa weg!

ha des isch ja supi,

wenn i in d türkei komm muas i emmer no

Des isch bissle bleed für mi.

I wohn von Stuagrt Richtung heilbronn..

Kennsch Erlebnispark Tripsdrill?

Do wohn i. Also net in d Tripsdrill aber 2 km weg dofo.

Klar kenn i Dripsdrill!!!

I ben meh von dr andra Richdong.

Esslinga/Blochinga.

Abr zletschd han i en Bischema gwohnt.

Hoißt des, dass du en Izmir landescht?

:) subbi..

i han joare lang urlaub in Side gmacht.

Aber etzt han i a Schätzle in Canakkale gfunde

un seit em joar geh i etzt emmer do no oda

nach Diyarbakir zu anne ve baba.

un noi i land emmer en ischdanbul.

weil i glaub izmir isch weiders weg von canakkale.

Sag mer mol wie i am schnellschte türkisch lernen ko.

:(((((( die Sproch isch so schwer :((((((((

Am beschda em Land ;))))))))))

jo han scho bissle was lerne kenne aber's isch

halt sauschwer für mi, wo i ned sproch begabt ben.

Han a CD aber des brengt net so viel un an kurs in unsrer gegend gibts koiner.

S nächschte isch stuagrt un des sin aber 40 km zum fahre un des für en kurs???

ach isch alles bleeeeeeed :(((

Juliii, hosch a PN

hans gsehe..

dange für dei müh

??????