Zinti Diskussionsforum

Vonnie

12.02.2007

KATAR: Romani-Union Dr, Rajko Djuric ME SEM YAD VASHEM

Rat thaj praxo me naja.

Pe mor palme anava.

Me sem

An Auschwitz me mulem.

Me sem

Pe kokala me sutem.

Bi jakhengo achilem.

An Treblinka me mulem.

Me sem

Ratesa man uchardem.

Bi morchako achilem.

An Buchenwald me mulem.

Me sem

Jasvenca me hiv handem.

Krikosa trusul kerdem.

An Dachau me mulem.

Me sem

Rat thaj praxo me naja.

Pe mor palme anava.

Me sem

An Bergen - Belsen me mulem.

Me sem

Bi lavesko achilem.

An Ravensbrück me mulem.

Dzanav numa kaj mulem.

Me sem

Ceri pe phuv perade.

An kalipe man phangle.

An Lublino me mulem.

Me sem

Mor per pharade.

An ma e chave chinde.

An Jasenovco me mulem.

Rat thaj praxo me naja.

Pe mor palme anava.

Me sem

Semas kate, semas kote.

Pe kale, ratvale rote.

Praxo thaj thuv kerdilem.

Me sem

Sas man ilo rromano.

Sar Rrom me sem mudardo.

Rat thaj praxo me naja.

Pe mor palme anava.

Me sem

Dzikaj boldel pe i phuv,

Ni hasavola o thuv.

Me sem

Dzikaj o kham ka phirel,

Yad Vashem si te ovel.

Me sem

Dzikaj o Del - Del ovela,

O Auschwitz ni bistrela.