Das Schweizerdeutsch-Forum

möcht do eigentli gar nid gross diskutiara, hans nämli nonid ganz sooo gnau agluagt, machi denn no, aber i denka so dörf ma das nid gseh.as goht jo bi dem gsetz nid drum dasma alli lüt isperrt, aber as goht drum das nid alli z gfühl hän "jo miar gön ez mol ind schwiz und sägen miar segen flüchtling, denn wird üs eh alles zahlt" das sötti akli dr hintergrund vu dena gsetz sie...

wia gseit, i möcht mi do nid feschtlega, i hans nonid so gnau agluagt und han mi au nonid entschida ob jo oder nei, aber ma sötti sich das würkli guat überlegga, well d schwiz hät aunid sooo viel vorigs geld.

genausowenig wiamer vorigi arbetsplätz hän.

also isch eifach schlussendli denn au d frog, könn miar üs das leischta das alli flüchtling in "dr klina schwiz" flucht suachen??

Hey jaa okee wüürds noo guet aluuege ;) neii aso z gsetz isch tüürer weder noo meh flüchtliing ufznähh..

aso wes ume punkt gäuud geiit muess me neii stimme...

es wärde verfassigsartikle verletzt und äbe d mönscheräächt....

und eh flüchtling wo eifch dahäre chuunt hets asoo hie niid wük schön!

imne asylheiim xeht de das zimlii schlimm uus!

und vorauem fingis e souereii das näär sogar d ching dörfte igspert wärde bis zumne jahr!

Mir hätte näär di hertischte gsetz in ganz europaa...

d schwiiz würd näär vom usland aus unmönschlch agluuegt...

und e asylant wo ke papier het darf mr doch niid vergliiche miit me dealer oder schüsch t mene verbrächer!

miir würd gschiider luuege das mer sii iz land chöi zrugg tue und da müesse mr haut mithäuufe ds ds überauu müglech isch!

uund arbetsplätz hey üs gloubs d asylbewärber no z letscht wääg gnoo!

versetzet nch eifch mauu i d laag vo dene möönsche!

i dänke mir flüchtet niid eifch soo und woot asyl...

ds isch äuä z dänke wiuu mr hauut hiee ir schwiiz wük chly verwöhnt sii!

aber das miit em überlege stimmt!

würdi guuet mache!

denn wenn dr ja stimmet siit dr schoo nöch dran unmönschlech z wärde!

luag, i schaffa bima awalt.

miar hän viel lüt wo mit briafa vur fremdapolizei kömen.

wens guat goht schribt en awalt 1-2 briaf warum ma das nid kann macha und das ganza isch erledigt...

das kans doch nid sie, oder?!

das mit da lüt ohni pass das isch en witz...

vieli (säga nid alli) vu dena lüt wörfen ihara pass mit absicht weg, drum muass doch das gnauer kontrolliart werda, nid?!

aber wen ez dia lüt so arm sin, warum könn sie sich denn d reis ind schwiz leischta?

das verstoni aunid...

do stimmt eba ganz a hufa nid überi...

eba wia gseit, i muasses no gnauer aluaga, aber i gsens im moment ender so in d richtig jo, well do lauft sooo viel falsch, und ganz alles wird eh nid itroffa wiani üsseri politiker kenna, aber dases denn zumindenst as bizali besseret...

well i weiss jo nid wias bi eu isch, aber bi üs häts afeng sooo viel usländer in da klassa und überall, das isch afeng nüm normal...

jo eba, i weisses nonid :o)

aber du muesch xehh wenn d verfolgt biisch u du hesch wüük ke papier de bechunsch diie siicher niid!

und luug mau z.B wi schnääu ds du e schwiizer pass bechunsch....

weds i 24 stund wosch muesses de aso sehr guuet gah..

aso z ganze gsetz isch schläächt im momänt aber ds neue wär no viuu herter und somiit au schlechter!

im falle eines nein müesst me siicher noo mau e nööi version uusarbeiite!

denn das wases iz isch lat äbe scho no lücke ooff...

usländer hey mr wäg däm niid weniger da...

ds isch es angers problem..

hoffe du wiirsch das no mau guuet aluuege und wiirsch ou ixeh das z neii z riichtiige isch!

also nume so näbedbii....

en not-pass bechunsch bi eus innert 1 - 2 stund.

en richtige pass goht ca.

5 stund wänns pressant häsch.

hät halt au chli mit de entwicklig vom land zdue.

isch mer scho klar, dass da in somalia oder so wahrschinli ned so schnell goht.

--- richtigstellig: asylante send zwangsläufig usländer.

weniger asylante = weniger usländer.

isch eigentli logisch.

wär aber au chli z'eifach...

es git halt au viel problem im usländerrecht.

familienachzug isch eifach no viel z'eifach und mer bechunt eifach viel z'schnell e ufenthaltsbewilligung.

ond vo wäge, mer heiged s'härtischte gsetz in ganz europa: mer händ wahrschinli au am meischte asylante/usländer vo dene länder in verglichbarer grössi.

chunt eim ämel so vor.

ich han nüt gäge multikulti, aber irgendeinisch werds eifach ungsund für euses land.