Das Schweizerdeutsch-Forum

hi,

d'usdröck han ech vomene forum.

das esch au de grond, wieso ech der jetzt of schwiizerdüütsch schriibe :-)

ech dänke, dass ech i die 2. mannschaft go, dete machts eifach meh spass!

i de 1. wörd ech zwar meh gäld öbercho, aber das esch mer denn au glich...

freut mech, wenns der weder besser god, ech ha scho dänkt, dass ech zo der cho muess damet ech mech om dech kömmere cha :-)

ech schaffe jede tag 7std36min plus 30min mettagspause, ond du?

klar werds en omstellig weder früeh ufzstoh, aber das wersch du scho schaffe!

könnsch dini neue kollege scho?ech wönsche der schomol vel glöck för de mäntig!

ech ha dech geschter zo minere kontaktlischte im msn dezueto, vellecht treffemer üs jo mol dete.

das met em auguscht gsed im momänt ned werklech guet us, ech muess zerscht mol luege was jetzt met mim gäld passiert...

:-(

hoffentlech klappt das ergendwie, damet ech dini wonderschöne auge weder gse cha!

du fählsch mer mega gescht

liebi grüess ad pia

Hey Alex, habe dir den Text mal in meinen Dialekt übersetzt.

Hoi,

d Üsdrick hani useme Forum.

Das isch dr Grund warum i der jetzt uf Schwiizerditsch schriibe :-)

Ich deiche dasi in di 2 Mannschaft gan, dert geits eifach vil scheender!

In dr 1 würdi zwar meh Gäld uberchun, aber das ischmr glich…

Freud mi, wenns dr wider besser geid, ha scho deicht messi zu der chu und mi um die kimmäre :-)

I schaffe jedä Tag 7 St.

plus 30 Min.

Mittagspoise, und dü?

Klar wird das ä Umstellig went wider freij mösch üfstah aber dü schaffsch das scho!

Kennsch diner niwe Kollege scho?

Winschändr afä vil Glick fir am Mändig!

Ha di geschder bi miire Kontaklischte bei msn igfegt, vilicht träffämris ja dert äis.

Das midem Oigschd gsehd im Mumänt nid wirkli göd üs, i mös zersch löge was bi mer jetzt midem Gäld passerd… :-(

Hoffentli klappts irgendwe, dasi wider in diner wunderscheenä Oige cha lögen!

Dü fählsch mer…

Leebi Gress a d Pia

Bitteschön.